2018 جىلدىڭ ءى توقسانىنىڭ قورىتىندىسى بويىنشا, «سامۇرىق-ەنەرگو» اق-نىڭ وپەراتسيالىق تابىسى 17,7 ملرد. تەڭگەگە دەيىن ۇلعايدى, بۇل بىلتىرعى جىلدىڭ ءدال وسىنداي كورسەتكىشىنەن 33%-عا جوعارى. ەسەپتى كەزەڭ ىشىندە EBITDA 29,7 ملرد. تەڭگەنى قۇرادى, ياعني ءوسىم - 20% نەمەسە 4,9 ملرد. تەڭگە. جالپى تابىس 13,4 ملرد. تەڭگە شاماسىندا باعالاندى.
سامۇرىق-ەنەرگونىڭ قارجىلىق كورسەتكىشتەرىنىڭ جاقسارۋىنا وندىرىستىك قۋات كوزدەرىن وڭتايلى جۇكتەۋ, ءوندىرىس كولەمىن ۇلعايتۋ جانە ەلەكتر ەنەرگياسىن ساتۋ, سونىڭ ىشىندە ەكسپورتقا شىعارۋ ارقىلى قول جەتكىزىلدى.
)اڭتار-ناۋرىزىنداعى كىرىس 73,6 ملرد. تەڭگەدەن استى, بۇل رەتتە ەنەرگيا وندىرەتىن جەتەكشى كاسىپورىندار – ەگرەس-1 مەن ەگرەس-2 ەلەكتر ەنەرگياسىن بەلگىلەنگەن شەكتى تاريفتەن تومەن باعامەن باسەكەلەستىك ورتادا ساتۋدا.
ەسەپتى كەزەڭ ىشىندە 9 ملرد. كۆتساع. ەلەكتر ەنەرگياسىن ءوندىرۋ قامتاماسىز ەتىلدى, بۇل بىلتىرعى جىلدىڭ دەڭگەيىنەن 23%-عا جوعارى. رف-عا ەكسپورتتاۋ كولەمى 84%-عا ۇلعايىپ, 1,627 ملرد. كۆتساعاتتى قۇرادى. كومىر ءوندىرۋ 11,7 ملن. تونناعا جەتتى, بۇل 2017 جىلدىڭ ءدال وسىنداي كەزەڭىنەن 16%-عا جوعارى. جىلۋ ەنەرگياسىن ءوندىرۋ مەن ساتۋ كولەمى جوسپارلى كورسەتكىشتەر شەگىندە قالدى.
«سامۇرىق-ەنەرگو» اق اسا ءىرى ەلەكتر-ەنەرگەتيكالىق حولدينگ بولىپ تابىلادى, ونىڭ اكتسيالارى «سامۇرىق-قازىنا» ۇاق» اق-عا 100% تيەسىلى. ەلەكتر ستانتسيالارىنىڭ بەلگىلەنگەن قۋاتى 6,8 گيگاۆاتتى نەمەسە بەج-ءدىڭ جيىنتىق قۋاتىنىڭ 31%-ىن قۇرايدى.
2017 جىلدىڭ قورىتىندىسى بويىنشا جالپى بولىپ 28,6 ملرد. كۆتساع. ءوندىرىلىپ, سامۇرىق-ەنەرگونىڭ ەلەكتر ەنەرگياسىن ءوندىرۋ سەكتورىنداعى ۇلەسى 24-تەن 28%-عا ارتتى. توپ قۇرامىنداعى كومپانيالار بىلتىر قازاقستاندا جاسىل ەلەكتر ەنەرگياسىنىڭ ءاربىر ءۇشىنشى كۆتساع. ءوندىرىلۋىن قامتاماسىز ەتتى.